Explorar los documents (15530 total)
Mairie d’Anglet
La Mairetat d’Anglet qu’organiza, dens l’encastre de las Jornadas Europèas deu Patrimòni, ua jornada dedicada a l’identitat gascona, lo dissabte 19 de seteme 2020 :
- De 10h a 12h à Talhèr de polifonias gasconas dab Fanny Chatelain ;
- De 15h a 18h à Mustra « Bascons nous sommes ! Histoires de ressemblances... » de Jean Duverdier ;
- A 15h à Visita guidada de la mustra en basco ;
- A 16h à Visita guidada de la mustra en gascon.
Tot que’s debanarà a l’espaci culturau Uei en Gasconha, situat au Centre culturau Tivoli, 27 arrua d’Euskadi, ad Anglet.
« Gràcias a una hòrt bona memòria e un grand saber-har de contaira, Francesa « Niní » Dubourg, 88 ans, autant discreta com luminosa, nos hèi partatjar los grands moments de sa vita. Vasuda en 1929 a Lubbon (40), Niní èra la darrèra d’una coada de 9 mainatges. Orfanina de dòra, estot plaçada com goja a Gajac (33) a l’atge de 11 ans e coneishot hòrt viste la vita d’una hemna de la campanha, hèita de hòrt de trabalh : las vacas, los pòrcs, la poralha, lo casau, la cosina, la bugada, etc. Urosa dab son òme, Niní avot la dolor de pérder son sol hilh quan avè sonque 11 ans. Mès maugrat aqueth malhur, a conservada sa doçor, son amabilitat e sa bienvolença. Vesoa dempui un trentenat d’annadas, la quietud es arribada dab la retirada e la vita dens una residéncia per vielhs a Vasats : « Aciu, siu bien. Jo que n’èi pas jamèi avut de vacanças, son mas vacanças. E adara, me deishi víver ». »
Tà'n saber mei
Tà'n saber mei
« Filmat pendent los dus datrèirs mes de la vita, Andrèu Faugère parla de las servituds deu bordilatge e de lus transformacions de l'agricultura, de la sociabilitat paisana d'autes còps, de sa complicitat dab la natura e de sa passion de la caça, de sa defensa deus camins comunaus e tanben deu vielhèir e de la mòrt. Filmat en occitan e au ritme lent d'un òmi vielh de 98 ans, aqueth documentari es un omenatge caloròs a un praube bordilèir de las Lanas de Gasconha, petit de talh mès grand d'esperit e de conviccions. »
Tà'n saber mei
Tà'n saber mei
« Bastard, bastard, hèit a la sèga, vasut au parc. »
Vasut « bastard » en 1950, lo Jan-Claudi Bouin creishot a Usèste dens una familha on i avè quate generacions qu’avèn l’occitan coma lenga principala de communicacion. Après aver escasut au concors de la Pòsta, arriba a París lo 6 de mai de 1968 e s’estanca de trabalhar dus jorns après. Quate ans pus tard, demissiona de la Pòsta per viatjar e véser lo monde. Après aver traversat l’Euròpa e lo Saharà, trabalhat en Africa, passat de longs mes en India e au Nepal, se’n torna a Usèste e ven talhaire de pèira tot en continuant, mantuns mes dens l’annada, de viatjar en Asia o en America deu sud, sol o en familha. Fidèu a sos engajaments de joenessa, viu adara dens un ostau en bòi bastit de sas mans dab materiaus de recuperacion e hòrt d’ingeniositat. E per coronar lo tot, ven de tornar trobar son frair de pair.
Tà'n saber mei
Vasut « bastard » en 1950, lo Jan-Claudi Bouin creishot a Usèste dens una familha on i avè quate generacions qu’avèn l’occitan coma lenga principala de communicacion. Après aver escasut au concors de la Pòsta, arriba a París lo 6 de mai de 1968 e s’estanca de trabalhar dus jorns après. Quate ans pus tard, demissiona de la Pòsta per viatjar e véser lo monde. Après aver traversat l’Euròpa e lo Saharà, trabalhat en Africa, passat de longs mes en India e au Nepal, se’n torna a Usèste e ven talhaire de pèira tot en continuant, mantuns mes dens l’annada, de viatjar en Asia o en America deu sud, sol o en familha. Fidèu a sos engajaments de joenessa, viu adara dens un ostau en bòi bastit de sas mans dab materiaus de recuperacion e hòrt d’ingeniositat. E per coronar lo tot, ven de tornar trobar son frair de pair.
Tà'n saber mei
« Vasut a Usèste en 1921, l’Edoard Cantau creishot dens una familha de bordilèirs-gemèirs. Après son maridatge, vingot eth tanben bordilèir pui fermièr. En mèi deu trabalh de la tèrra e de las bretas, cercant autant a se ganhar la via com lo contacte dab las gents, se botèt viste a elevar polets que vendot, pendent mèi de 40 ans, suus marcats deu Vasadés. Petit òme de « 50 quilòs », estacant e conviviau, volontari e determinat, faceciós e badinaire, nos parla de sa vie e la de son vilatge, e nos conta, dab hòrt d’umor et de saber-hèser, quauquas hèitas e anecdòtas saborosas sus Usèste. Nos quitèt en 2019 a l’atge de 98 ans passats. »
(presentacion tirada dal site de Patric La Vau, www.lavaupatric.com, consultat lo 04/12/2020)
Vasuda en 1954 dens una familha de peisans deu pinhadar de las Lanas de Gasconha emigrats en banlèga parisenca, Elena Jòlis creishot au mitan de l’occitan e deu francés. Enter Paris e Pompunha, son vilatge de neishença en Òlt-e-Garona, Elena nos parla de sos sovenirs de mainada, entre vila e campanha, e de son estacament a l’occitan. Elegida milhora obrèra de França, nos hèi descobrir son mestèir de dauraira sus libre e son mitan professionau. Hemna de passion, nos parla de son plasèr à ensenhar la dauradura dens de nombrós pèis deu monde. Hemna de conviccion, nos hèi partatjar sos engatjaments ciutadans e son biais de víver tot en sobrietat.
Tà'n saber mei
Tà'n saber mei
« Aimi las vacas », torna díser sovent lo Jan-Pèir Dutreuil. E aquò se vei. S’en aprocha tot tuishau, lesi parla dab doçor, las careça. Com lo pair e lo papè, lo Jan-Pèir a totjorn vivut au mièi e au ritme de sas vacas. Elevaire e marchand de vacas dempui 50 ans a Birac, en Gironda, que li hèi dòu la fin deu temps on i avè vacas pertot dens la campanha e on los peisans vivèvan deu trabalh de la tèrra. Dens un gascon d’una granda beutat dont a totjorn parlat, nos hèi partatjar la passion de son mestèir e nos mia dens los prats, descobrir sas vacas e sos taurs, mès tanben au marcat de las bestias a Agen o enqüèra a la hèsta deus bueus gras a Vasats.
Tà'n saber mei
Tà'n saber mei
Nuits Atypiques
Las Nueits Atipicas que tornan préner la lor activitat dab ua seria de projeccions cinematograficas deu 18 de seteme au 1èr d’octobre, dens mei d’ua comuna de Gironda e d’Òut e Garona.
L’ensemble d’aqueths filmes documentaris, realizats per Patric La Vau, qu’ei en occitan sostitolat en francés.
Dimèrcs 23 de seteme : Lo mèrle e lo Gai – Vasats (33)
Divés 25 de seteme : Au mièi de las vacas – Bordèu (33)
Dimenge 27 de seteme : Manejaira d'aur – Castèlgelós (47)
Dimèrcs 30 de seteme : Manejaira d'aur – Vasats (33)
Dijaus 1èr d’octobre : Max Lafarga, enfachilhat de poësia – Marmanda (47)
Tots los detalhs de la programacion
L’ensemble d’aqueths filmes documentaris, realizats per Patric La Vau, qu’ei en occitan sostitolat en francés.
Programa
Divés 18 de seteme : Lo mèrle e lo Gai – Usèste (33)Dimèrcs 23 de seteme : Lo mèrle e lo Gai – Vasats (33)
Divés 25 de seteme : Au mièi de las vacas – Bordèu (33)
Dimenge 27 de seteme : Manejaira d'aur – Castèlgelós (47)
Dimèrcs 30 de seteme : Manejaira d'aur – Vasats (33)
Dijaus 1èr d’octobre : Max Lafarga, enfachilhat de poësia – Marmanda (47)
Tots los detalhs de la programacion
Javaloyès, Sèrgi
Aqueste essai de Sèrgi Javaloyès que'ns pausa duas questions essenciaus sus la guèrra deu nom e de la grafia de la lenga d'Òc en Bearn e Gasconha. Quau ei la relacion enter lo nom de la lenga e la soa utilizacion orau e escriuta ? Per quinas rasons e i vad d'aspres conflictes per çò de la causida deu son nom e de la soa grafia quan la lenga gascona ei, uei lo dia, a tot de bon, en dangèr de morir ?
Gaby Mac Alister
Pascale Théron
Pascale Théron
PRESENTACION
Aquel espectacle tot public (a partir de 6 ans), construís a partir de contes e de tematicas ligadas al nòstre territòri, met en valor un instrument emblematic de la nòstra region : La Bodega o la Craba, mai gròssa de las cabras occitanas qu'a una sonoritat a l'encòp potenta, cauda e emmascanta.
L'espectacle dura 45 minutas e se perlonga per un pichon balèti.
Es l'istòria d'una cabra messorguièra, que morís per mièlhs renàisser per la musica. Es la quèsta del bodegaire Guilhem en cèrca de son fraire e de sa sòrre... I a de foletons, lo Drac e sustot la polida Bruna. E coma aiman que las istòria s'acaban plan, i a una nòça que lo public es convidat per dançar, dançar... Al son de la bodega.
EQUIPA ARTISTICA
Gaby Mac Alister : contaira
Pascale Théron : musiciana
FICHA TECNICA
Audiéncia :100 personas
Espaci scenic 3m X 5m
Fonds negre
Ocultacion de la lutz del jorn
Esclairatge : 2 pès lum
CONTACTE DIFUSION
Contacte Pascale : 04 67 95 21 10 / 06 37 93 74 92
Site internet : https://tafanari.wixsite.com/
Site internet : https://tafanari.wixsite.com/